GURE TXOKOAK

ONGI ETORRI GURE GELARA!

Gelako txokoka antolatuta daukagu. Hauek dira gure txokoak banan banan:

ETXE TXOKOA. Berez, jolas sinbolikoa lantzeko txokoa da baina etxe txokoa deitzen diogu. Bertan nahi dugun guztia imajinatu eta hura bideratzen dugu. Batzuetan ama eta aita gara. Beste batzuetan, diska jartzaileak, irakasleak, arrainak, otsoak, txakurrak, spiderman... Txoko honek ez du mugarik eta gure barne-egitura osatzen laguntzen digu.

MARGOTEGIA

Hemen plastika eta eskulangintza mota guztiak lantzen ditugu. Errotulkiak, plastilina, tenpera, argizarizko margoak, birziklatzeko elementuak… ufa, asko gustatzen zaigu eskuekin esperimentatzea.

JOLAS TXOKOA EDO MATEMATIKA TXOKOA

Elementuen ezaugarriak ikasten ditugu manipulazioaren bitartez. Egiturak egiten ditugu. Gure pentsamendua antolatzeko eta gure armiarma sarea betetzen joateko oso txoko garrantzitsua da. Begira nolako lanak egiten ditugun.

LAN TXOKOA

'Iratxo Xarmangarria' proiektuarekin ari gara. Bertan, ipuinak, abestiak, ordenagailurako jolasak, fitxak, grafomotrizitatea lantzeko fitxak... izaten ditugu. Lan egiteko txokoan aritzen gara horrekin. Gero, fitxa bukatutakoan gure kaxoitxoan gordetzen ditugu lanak.

LIBURUTEGIA

Hemen, gure sofatxoetan jarri eta lasai irakurtzen dugu. Lanak bukatu ahala bertara hurbil gaitezke. Librea da eta asko lasaitzen gara bertan.

ARBELA

Arbela, berez, marrazki handiak egiteko lekua da. Hala ere, gutako askok maisu-maistratara jolasteko erabiltzen dugu.

ORDENAGAILUA

Ui, zenbat gustatzen zaigun txoko hau batzuei! Panpirekin eta Ttanttorekin jolasten dugu bertan.

IGLOOA

Hau gure lasaitasun eta lo txokoa da. Nekatuta gaudenean, bertan sartzen gara. Lasaiiii, lasaiiii